واشنتۆن تەئکید دەکاتەوە لەپابەندبوونیان بەھاریکاری حکومەتی عێراق لەشەڕی دژی تیرۆردا

واشنتۆن تەئکید دەکاتەوە لەپابەندبوونیان بەھاریکاری حکومەتی عێراق لەشەڕی دژی تیرۆردا


ئەمریکا پابەندبونی بەھاریکاری عێراق لەشەڕی دژی تیرۆر دووپاتدەکاتەوە.

به پێی هەواڵ دەریی ئەهلو بەیت(ع) ، ابنا: “جۆن کێربی” وتەبێژی وەزارەتی دەرەوەی ئەمریکا رایگەیاند، ئەمریکا بەتووندی ئیدانەی ئەو زنجیرە تەقینەوانە دەکات، کەشارەکانی بەغداد و نەجەفیان کردە ئامانج و بەھۆیانەوە ٦٠ کەس کوژران و بەدەیانی تریش برینداربوون.

“کێربی” وتیشی، ئەو پەلامارە تیرۆریستیانە، سورتریان دەکات لەبەردەوامی ئۆپراسیۆنەکانی ھاوپەیمانی نێودەوڵەتی لەدژی داعش و لەناوبردنی تیرۆریستان.

وتەبێژی وەزارەتی دەرەوەی ئەمریکا جەختیشیکردەوە، ولایەتە یەکگرتووەکانی ئەمریکا پابەند دەبێت بەھاوکاریکردنی عێراق لەسەر ئاستی حکومەت و گەلەکەی لەرووبەڕووبوونەوەی داعش.

ئەو وتانەی “جۆن کێربی” لەکاتێکدایە، کە لەئێستادا ھێزە ھاوبەشەکانی عێراق بەھاوکاری ھاوپەیمانی نێودەوڵەتی، قۆناغی دووەمی کۆنتڕۆڵکردنەوەی موسڵیان دەستپێکردوەو لەو روشەوە چەندین ناوچەیان لەچنگی تیرۆریستانی داعش دەرھێناوە.